Энэхүү номыг бид цэцэрлэгийн насны хүүхдийн гар сарвууны хөгжил, сэтгэхүйн онцлог, сонирхолд нийцүүлэн, монгол ахуй сэдэв агуулгатай хослуулан бүтээлээ.

Хүүхдүүд Тоби, Биби хоёртой хамт дөрвөн улирлын турш шинэ шинэ зүйлтэй танилцангаа зурж, будаж, төсөөлж, зохиож сурах юм.

Хүүхдүүд хичээл хийх дургүй байдаг тул сонирхолтой дүр, үйл явдлаар баяжуулж өгсөн, хуудасны зохион байгуулалт нь хүүхдийн анхаарлыг татахуйц, өөр өөр байгаа.

Мөн номын төгсгөлд хүүхэд бүрт бяцхан сертификат өгч, хүүхдийн жижиг жижиг амжилтуудыг тэмдэглэх болно.

Энэхүү номыг зөвлөмжийн дагуу ашигласнаар хүүхдийн:

• Гарын жижиг булчин
• Бичих ур чадвар
• Анхаарал төвлөрөл, сэтгэн бодох чадвар
• Монгол ахуй соёл, уламжлалын мэдлэг, ойлголт
• Төсөөлөн бодох, зохион бүтээх чадварыг хөгжүүлэх болно.

Эцэг эхчүүд хүүхэдтэйгээ сэдэв бүрийн тухай ярилцаж, хамтдаа зурж, будаж, хүүхдээрээ өөр өөр сэдвийн дагуу мэддэг зүйлсийг нь яриулж, мэдэхгүй зүйлсийг нь баяжуулж хэлж өгөх замаар танин мэдэхүйг нь дэмжих боломжтой.

Энэ бол бидний боловсруулж буй цуврал номнуудын эхний цурал юм.